Tíðindir‎ > ‎

FIG kapping á Bermuda

indsendt 15. jul. 2013 18.49 af Ukendt bruger   [ opdateret 15. jul. 2013 18.53 ]

Í morgin 16.07 kl 9.00 fer manslandsliðið hjá okkum í eldin aftur. Menninir vunnu gull í liðkappingini mánadagin, og er hetta sjálvandi gott at hava við til kappingina í morgin. Kappingin verður avgjørt sera spennandi, av tí at menninir frá Isle og Man góðu okkara monnum sera stóra mótstøðu til liðkappingina. Í morgin verður kappast í FIG reglugerðini og her eru okkara men sera sterkir í nærum øllum amboðum og vóna vit, at tað kann geva góð úrslit. Kappingin byrjar kl 9.00 og er sett til at vera liðug um 13. tíðina.

Kappingin hjá kvinnunum byrjar klokkan 15.30. Her verður eisini sera spennandi at síggja hvussu leikur fer fram. Kvinnurnar hjá okkum vunnu bronsu til liðkappingina mánadagin aftanfyri Isle of Man og Bermuda. Hesar báðar oyggjar eru sera sterkar, men sleppa tær ikki uttan kapping frá kvinnunum hjá okkum, ið eru sera uppsettar til dagin í morgin. Kappingin byrjar kl 15.30 og er sett til at enda um 20 tíðina.

Viðmerkjast skal, at tíðspunktini eru lokala tíð. Føroyar er 4 tímar frammanfyri Bermuda.

 
Vit í Føroya Fimleikasambandi ynskja øllum okkara fimleikarum góða eydnu til kappingina í morgin.

Comments