FM kappingin, fyri teir eldru bólkarnar í amboðsfimleiki, verður tann 17 og 18. mai í FIMI.

Føroyameistari skal finnast hjá kvinnuunglingum, kvinnum, dreingjum, mansunglingum og monnum. 

Kappast verður í øllum amboðunum. 4 amboð á kvinnusíðuni og 6 á mannfólkasíðuni.

Fyrra dagin verður tað tann, sum er bestur í øllum amboðum samanlagt, sum vinnur, meðan seks teir bestu íðkararnir, í hvørjum amboðið sær, sleppa víðari til seinna dagin. Tann seinna dagin eru amboðsfinalurnar fyri einstaklingar í FM-eldri í hvørjum amboðið sær.

Skráin fyri einstaklingakappingina 17. mai er hendan:

Kl. 12.50 - 13.50      Felags upphiting fyri allar fimleikarar

Kl. 14.00                  Einstaklingakapping 

Skráin fyri amboðskappingina 18. mai er hendan: 

Kl.  12.50 - 13.50     Felags upphiting fyri fimleikarar, ið hava kvalifiserað seg til amboðkappingina

Kl.  14.00                 Amboðskapping