Tíðindi‎ > ‎

Nú nærkast 😊

indsendt 4. jun. 2015 02.38 af Katrin Abrahamsen
Tveir dagar til HM í estetiskum fimleiki

So eru niðurteljingin til HM í estetiskum fimleiki av álvara byrjað, og nú eru fyrstu liðini komin til landið.

Tilsamans 44 lið úr 13 londum verða við í HM-kappingini, sum byrjar kl. 13.00 leygardagin í høllini á Hálsi og heldur fram kl. 14.00 sunnudagin.

Atgongumerkir hava verið til sølu á fimleikur.fo og billetnet.dk farnu vikuna, og áhugin er sera stórur. Líkt er til, at útselt verður.

Pláss er fyri 1.130 áskoðarum í høllini á Hálsi. Høllin varð roynd í sambandi við FM farna vikuskifti og riggaði sera væl.

HM-kappingin í estetiskum fimleiki er størsta kappingin, sum eitt einstakt sersamband undir ÍSF hevur skipað fyri í Føroyum.

Sum ítróttatiltak er kappingin næststørsta tiltakið eftir oyggjaleikirnar í 1989. Fyrireikingarnar hava verið drúgvar, men eru nú komnar undir land.

 

 

Comments