Kappingar, landsliðið kann luttaka í

• Oyggjaleikir
  • Oyggjaleikir eru annað hvørt ár (ólíkatal). Fimleikur er ikki ein av føstu ítróttargreinunum á oyggjaleikunum, men tá fimleikur ikki er á skránni, verður skipað fyri serligari kapping í fimleiki millum londini, sum vanliga luttaka. Seinastu árini hava Føroyar luttikið við einum liði av kvinnum og einum av monnum. Føroyar hava fingið nógv flott úrslit í hesum kappingum.
    
    
• NM
  • NM (Norðurlanda Meistara kapping). Her kappast FO, DK, SE, NO, FI, IS. Hava seinastu árini luttikið við nøkrum íðkarum. Luttakaratalið er vaksandi. Kappingin er vanliga um várið/summarið annað hvørt ár. Úrslitini gerast betur og betur hvørja ferð vit luttaka, serliga í einkultgreinum sum eitt nú Lop og gólv.
    
    
• NEC
  • NEC (Norður Europeisk kapping). Hava seinastu árini luttikið við nøkrum íðkarum hvørja ferð. Kappingin er hvørt ár um heystið. Til hesa kappingina luttaka tey Skandinavisku londini og so eisini England, Skotland, Írland og Wales. Í 2017 var hendan kappingin í Tórshavn.
    
    
• Aðrar kappingar
  • Fimleikasambandið fær av og á innbjóðingar at luttaka í ymiskum kappingum í Evropa. Her hava vit luttikið í Danmark, Svøriki, Rumenia vm.
    
    
• Umboð á danska landsliðnum
  • Við at Fimleikasambandið ikki er viðurkent av FIG, og tí ikki kunnu luttaka sjálvstøðugt. So hava vit til tíðir fimleikarar á danska landsliðinum. Har tey luttaka til European Championships og World Championships umboðandi GymDanmark.
    
    

Felags fyri hesar kappingar er, at tær eru deildar upp í trý, ein liðkapping, ein all-round og ein amboðskapping. Tað vil siga, at tað ber til at vinna sum lið, fyri øll amnboð samanlagt og fyri einstaka amboðið.