Amboðskappingar

Innan amboðsfimleik eru árliga hesar kappingar innan hesar bólkar: Pinkur, smágentur, gentur, gentu unglingar (FIG), kvinnur (FIG), piltar, smádreingir, dreingir, unglingar (FIG) og menn (FIG).

• Kappingaryrireiking
  • Kappingarfyrireiking er ein dagur, har yngru fimleikararnir fáa høvi at venja seg við kappingarumhvørvið og royna, hvussu tað er at luttaka í einari kapping. Talan er ikki um eina vanliga kapping við vinnara, men heldur um eina venjingarkapping, har dentur verður lagdur á uppliving, menning og royndir. Allir fimleikararnir fáa eitt heiðursmerki fyri sína luttøku, og dagurin verður skipaður sum ein vanligur kappingardagur, har fimleikararnir eisini fáa karakter fyri sína framførslu. Skipað verður vanliga fyri tveimum kappingarfyrireikingum um árið.
    
    
• Liðkapping (FM fyri lið)
  • Føroyameistaraskap fyri lið (FM lið) er ein kappingardagur fyri fimleikarar eldri enn 8 ár, har feløgini kunnu melda eitt ella fleiri lið til. Einki mark er fyri, hvussu nógv lið eitt felag kann luttaka við. Hvørt lið kann hava í mesta lagi 5 íðkarar, har 4 kappast á hvørjum amboði, og telja tey 3 bestu úrslitini við í samlaða liðúrslitinum. Kappingin verður vanliga hildin um heystið.
    
• Steypakapping
  • Tvær steypakappingar eru, ið vanliga verða hildnar tíðliga á árinum, vanliga í januar ella februar.
  • Kappast verður í 2-3 amboðum hvørja ferð. Fyrra dagin verður á kvinnusíðuni kappast í forskotnari barr og lopi og á mannfólkasíðuni verður kappast á gólvi, í beinsveiggi og ringum. Seinna dagin kappast kvinnusíðan á gólvi og bita og mannfólkasíðan í lopi, paralellari barr og rekk. Tað er eingin avmarking á, hvussu nógv kunnu melda til hvørja kapping, og fimleikarin kappast sum einstaklingur.
  • Kappingarnar verða til tíðir hildnar yvir eitt vikuskiftið og aðrar tíðir yvir tvey vikuskifti.
    
• FM all-round og amboðsfinala
  • Føroyameistaraskap fyri einstaklingar (FM all-round) og amboðsfinala er vanliga seinasta kapping í fimleikaárinum, vanliga í mai. Hjá teimum yngru bólkunum kunnu í mesta lagi seks íðkarar í hvørjum aldursbólki hjá hvørjum felag melda til. Ongin avmarking er á, hvussu nógv kunnu melda til í eldru aldursbólkunum. 
  • Kappingin er í tveimum pørtum; FM all-round og FM amboðsfinala
    • Í FM all-round kappingini kappast fimleikarin í øllum amboðum og fær ein samlaðan karakter.
    • Í FM amboðsfinaluni luttaka seks teir bestu íðkararnir í hvørjum amboði frá FM all-round, og kappast teir í hvørjum amboði sær. Amboðsfinalurnar eru vanliga dagin eftir FM all-round.
  • Um ov fá eru tilmeldað, verður karakterurin brúktur, og FM all-round og amboðsfinalurnar koyra samstundis.
    
    
• Føroyaleikir
  • Føroyaleikir er heitið á nýggjum átaki hjá ÍSF, ið skal vera ein afturvendandi summarkapping í øllum ítróttagreinunum, sum ÍSF fevnir um. Føroyaleikir, ið kunnu lýsast sum teir Føroysku Oyggjaleikirnir, skulu ætlandi haldast annaðhvørt ár – tað árið, táið vanligu, altjóða oyggjaleikirnir ikki eru.
  • FFS avgerð til hvørjar Føroyaleikir, hvør fimleikakapping skipað verður fyri.

Fyri at luttaka í kappingum, ið FFS skipar fyri, skal ein vera fyltur 7 ár (hetta kemur í gildi frá juli 2026).

Komandi tiltøk

21.

jun.

Landsliðsvenjing

Bylgjan | Amboð

23.

jul.

NM 2026

Mariehamn | Amboð

5.

jun.

Fimleikagalla 2027

| Amboð | Breiddin | Estetiskt

Kappingarúrslit

Úrslit frá amboðskappingum