Í dag var annar dagur í Inter Island Games kappingini, og kappaðust okkara fimleikarar í all-round kappingini ífylgi altjóða reglunum hjá FIG. Úrslitini hjá teimum vóru heilt einanstandandi, og vit eru so errin av teimum.
Íðkararnir kappaðust í øllum amboðum, og vinnarin varð tann, ið hevði flest stig í øllum samanlagt.
Aron D. Jacobsen vann kappingina hjá monnum sannførandi, við næstan fýra stigum frammanfyri næsta plássi.
Og Mia Højgaard vann silvur hjá kvinnum.
Hjá monnunum endaði Hjálmar Dalsgarð á fjórða plássi, bert 0,300 stig frá triðja plássi, og Bjarki Johannessen á fimta plássi.
Hjá Kvinnunum endaði Astrid Nanley Breckmann á fjórða plássi, bert 0,351 stig frá triðja plássi.
Vit vilja ynskja okkara fimleikarum hjartaliga tillukku við framúr flottu úrslitunum, og vit eru so spent at fylgja teimum aftur í morgin.
Í morgin verður finalan í teimum einstøku amboðunum. Hjá monnunum er Aron D. Jacobsen í finaluni í gólv, beinsveiggj, ringar, parallel barr og rekk. Hjálmar Dalsgarð er í finaluni í gólv, ringar og parallel barr. Rókur Vestergaard er í finaluni í beinsveiggj. Bjarki Johannessen er í finaluni í lop og rekk. Teitur Karbech í Hjøllum er í finaluni í lop. Hjá kvinnum er Astrid Nanley Breckmann í finaluni í lop, forskotin barr og gólv. Mia Højgaard er í finaluni í lop, forskotin barr, biti og gólv. Gunnvá Mørkøre er í finaluni í biti.
Vit ynskja teimum allar bestur eydnu við kappingini í morgin.
