
Komandi vikuskifti, leygardagin 21. februar 2026 og sunnudagin 22. februar verður árliga steypakappingin í amboðsfimleiki í Fimi í Havn, har 88 fimleikarar fara at royna seg.
Leygardagin 21. februar
Fyrrapart kappast stig 5, 6, 7, kvinnuunglingar, kvinnur, dreingir, mansunglingar og menn. Seinnapart kappast stig 4.

Sunnudagin 22. februar
Piltar og smádreingir kappast sunnudagin.

Atgongumerki kunnu keypast við dyrnar, og kaffisøla verður til frama fyri HF, sum samskipar kappingina við FFS.
Føroya Fimleikasamband ynskir øllum góða eydnu við kappingini.